Vit gera coronakanningar hvønn dag í vikuni og arbeiða dag og nátt við coronagreiningum. Sí upplatingartíðir á hesi heimasíðu og á facebook

Nýggja kanningarstovan er farin til verka

Við nýggju coronakanningarstovuni verður gjørligt hjá føroyingum og ferðafólki at lata seg kanna fyri corona uttan ávísing frá kommunulækna. Kanningarstovan er eitt samstarv millum kanningarstovuna Thetis og granskingarfyritøkuna Amplexa Genetics og verður staðsett á granskarasetrinum iNova á Hoyvíksvegnum í Havn.

Kanningarstovan er settur á stovn í kjalarvørinum av uppafturlatingini av Føroyum, sum fer at merkja fleiri ferðandi til og úr Føroyum. Við upplatingini fylgir eitt krav um coronakanningar, sum ikki skulu vera eldri enn fimm dagar gamlar, og hesar kunnu nú skjótt og ómaksleyst gerast hjá iNova.

Hans Atli Dahl er ein av granskarunum hjá Amplexa Genetics, sum hevur royndir við líknandi kanningum í eitt nú Grønlandi:

“Vit vilja gera okkara til, at føroyingar og ferðafólk skjótt og lætt kunnu lata seg kanna fyri corona. Bæði feløgini hava drúgvar royndir innan mikrobiologi og genetikk, og tí var hetta eitt upplagt øki at fara inn á og at samstarva um. Vit hava arbeitt dag og nátt fyri at gera tað møguligt hjá føroyingum at lata seg kanna, nú ferðamørkini lata upp aftur.”

Kanningarhátturin hjá coronakanningarstovuni er í tráð við tann, sum WHO viðmælir, og er somuleiðis eftirmettur í samstarvi við Novo Nordisk og Ríkissjúkrahúsið, sum staðfesti ein neyvleika á 99,5%.

Coronaroyndir verða gjørdar dagliga, og hvør roynd kemur at kosta 390 kr.
Tú bíleggur eina roynd her inni á síðuni.

Meira kunning fæst við at venda sær til Hans Atla Dahl atli@amplexa.com og Maritu Debess Magnussen marita@thetis.fo.
Eisini er møguligt at ringja á 791804.