Føroyingar, ið lata seg kanna fyri koronu, fáa nú beinleiðis atgongd til danska koronupassið MinSundhed.
Tað er eitt samstarv millum føroysku fyritøkuna Thetis og Sundhedsdatastyrelsen og Statens Serum Institut.
Tað merkir, at tá ið úrslitið er klárt fyri koronukanning, kann boðast frá hjá danska Sundshedsdatastyrelsen og verður sjónligt í donsku appini MinSundhed – eftir 20 minuttir.
Danska samfelagið hevur sett strong krøv til tey, ið vilja eta á matstovu, vitja frítíðarstøð o.a. Eitt nú skal kanningarúrslitið fyri koronukanning vísast fyri at fáa atgongd.
“Vit hava fingið nógvar fyrispurningar um danskt koronupass, og kannaðu vit møguleikan fyri at fáa Thetis góðkent sum kanningarstað. Tað eydnaðist, og tað eru vit sera fegin um.” sigur Marita D. Magnussen, stjóri í Thetis.
Tað er týdningarmikið, at eitt nú føroyskar familjur ikki skulu standa uttanfyri Tivoli og onnur frítíðarstøð og onga atgongd hava, hóast tey hava eina føroyska koronukanning. Vit nýggju loysnini verður tað so skjótt og ómakaleyst at fáa somu møguleikar sum danir. Vit hava tó ikki havt nakrar trupulleikar við teimum, sum hava brúkt váttanina frá PCR-kanning frá Thetis. Tó er danska koronupassi viðurkent sum pass.
Egið val
Talan um eina eyka tænastu og ikki sjálvvirkandi. Tað vil siga, at tá ið tú letur teg kanna hjá Thetis, kanst tú velja hetta sum eina eyka tænastu, og tí verða ongar dátur sendar víðari uttan samtykki frá tí, sum verður kannaður.
Tey, ið vilja at fáa úrslitið í danska koronupassið, skulu havt CPR-nummar, Nemid og taka niður appina MinSundhed.
Thetis hevur fyrr í ár ment eitt føroyskt koronupass, sum inniheldur PCR- kanningarúrslit og andevniskanning. Men tíverri er eingin felagsloysn fyri føroyingar í verandi støðu.
